مشربتش من نيلها؟ -----انا اللى بسألك

عزيزى المستثمر
مرحبا بك تعال استثمر اموالك عندنا
فى بلدى عندنا اهم مجرى ملاحى فى العالم يربط بين الشرق والغرب
عندنا ايدى عامله
عندنا مساحات شاسعه من الاراضى
عندنا نهر وشواطىء بحرين المتوسط والاحمر
عندنا غاز طبيعى وبترول وثروات طبيعيه اخرى لم نستخدمها بعد هنتنازل عنها ليك ومش مهم احنا
عندنا ثلث اثار العالم ومناطق سياحيه خلابه
عندنا بنيه تحتيه طرق وكهرباء واتصالات بنيناها خلال الثلاثون عاما الماضيه وكلفناها الشىء الفلانى
عزيزى المستثمر
تعال استثمر وسوف نعطيك الاراضى ببلاش مش مشكله
وسوف نعطيك الغاز الطبيعى والوقود مدعم بنفس اسعار االمواطن الغلبان
ولن نأخذ منك ضرائب لمدة كذا سنه
ولن امنعك من الاحتكار احتكر زى ما تحب
ولن افرض عليك ضرائب راسماليه من ارباح المضاربه فى البورصه
عزيزى المستثمر
لو مش معاك مال ؟ البنوك موجوده خذ قروض زى ما تحب بضمان الارض اللى انت اصلا
لم تدفع فيها ابيض ولا اسود
لو عايز تبيع الارض باضعاف اضعاف ثمنها مش همنعك ولا هطلب منك ضرائب على
ارباحك منها
عزيزى المستثمر
عندنا نماذج من المستثمرين شغالين زى الفل اسألهم لو مش مصدقنى
فيهم من يحتكر انتاج الحديد ولم نمنعه من الاحتكار لو كان فى امريكا مثلا كان دفع نصف
ما يملك غرامات كما فعل بيل جيتس صاحب شركة ميكروسوفت دفع مليار ومائتا مليون دولار
غرامه ثم تبرع بنصف ثروته التى تبلغ ثلاثون مليار دولار وقتها تقريبا للشعب الامريكى
عزيزى المستثمر
هتسألنى انا بعمل كده ليه هقول لك لانى بحب بلدى وبشجع الاستثمار
هتقول لى العلماء والباحثين والاقتصاديين ممكن يرفضو هقول متخفش انا مظبطهم
هتقول الصحف ممكن تعترض وايه يعنى
تعال واستثمر واكسب واحتكر وفى النهايه خد فلوسك وفلوسنا واهرب مش همنعك
وانا بعمل دا كله مش لمصلحتى لا ---- دا علشان بلدى
وسلامتها ام حسن