المبدأ - المظهر - الاداه

فى الخمسينيات والستينات من القرن الماضى

كانت مصر قبل 23يوليو 1952 دوله ملكيه يحكمها ملك يسانده من الخارج دول استعماريه ويسانده من الداخل طبقه من الرأسمالين
الاثرياء يلقبون بالباشوات و يستفيدون من النظام الملكى اما الشعب فكان بعيدا جدا


حدث الانقلاب العسكرى وقام على مبادىء سته منها ثلاث مبادىء هدم وثلاث مبادىء بناء . كلنا طبعا حفظناهم
فى المدرسه

وكان له مظاهر مثل قوانين تاميم الشركات و نزع ملكيه الاراضى الزراعيه من الباشوات
واستخدمت ادوات مثل فيلم الايدى الناعمه وفيلم نهر الحب وغيرها لتظهر شخصية الباشا
على انه شخص سىء وقاسى وغير مفيد للمجتمع


فى هذه الفتره كان المواطن النموذجى هو الذى يعمل ثم يعمل ثم يعمل ويعتنق الفكر الاشتراكى


فى السبعينيات من القرن الماضى

حدثت حرب 73 ثم استعادة سيناء ثم توقيع المعاهده وتحديد عدد جنودنا فى سيناء

ب 950 جندى فقط.
وحدث الانفتاح الاستهلاكى والتخلص من اليسار الاشتراكى المعارض والمثقفين

فى هذه الفترة كانت المبادىء ----- السلام والانفتاح
المظاهر-- الاستهلاك والتدين للتخلص من الاشتراكيين
الادوات افلام عادل امام نموذج فهلوى السبعينات

فى هذه المرحله كان المواطن النموذجى هو الفهلوى الهليب تاجر الشنطه



الان فى 2008

السمه المميزه هى الرغبه فى بقاء الوضع على ماهو عليه للحفاظ على الانجازات !!!؟؟

المبادىء الصبر والقادم افضل ومصر هتتقدم بينا اقصد بيهم

المظاهر بيع كل شىء وثراء فاحش لطبقه محدوده وفقر طاحن للغالبيه العظمى من الناس
وتدين ظاهرى فى الشكل فقط وتخلف ثقافى ودينىوعلمى

الادوات فضائيات وشيوخ يتكلمون عن الجنه ونعيمها وحور العين ومالا عين رأت ولا اذن سمعت
ويهتمون بالمظاهر الدينيه مثل الحجاب واللحيه وينتقدون الراقصات والمطربات
ويخبرون الناس ان ما يصيبنا من فقر وتخلف هو من سيئات اعمالنا
ونحن المسئولون عن كل المصائب وليس احد اخر ---؟


حاليا المواطن النموذجى هو الذى يعيش فى حاله بجوار الحائط ويستخدم الاعشاب الطبيعيه

فى العلاج

لان العلاج فى المستشفيات مكلف . وينتظر الجنه ونعيمها وحور العين ولا يتدخل فى ما لا يعنيه

كأنهم يقولون لنا ان الدنيا للحكام اما الاخرة فللمحكومين

تميم البرغوثى

الشاعر الدكتور تميم البرغوثى هو من الشباب العربى المثقف

الاب مناضل فلسطينى اسمه مربد البرغوثى

الام الكاتبه المصريه المعروفه رضوى عاشور
من قصائده :

قالولي بتحب مصر فقلت مش عارف
المعنى كعبة وانا بوفد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
بيلبسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقية التماثيل
ولا ام كلثوم في خمسانها ولا المنديل
الصبح في التاكسي صوتها مبوظه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
قالولي بتحب مصر فقلت مش عارف

ويقول ايضا

بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها زلزال
بحب لمعي وعب هادي ومحب جمال
أروح لهم عربية خابطة في تروللي
كإنها ورقِة مِسوِدَّة مرميَّة
جُوَّاها متشخبطة ومتكرمشة هِيَّة
أو شلِّةِ الصوف، أو عقدة حِسابِيَّة
سبعين مهندس ولا يقدر على حَلِّي
فيجيبوا كل مَفَكَّاتهم وصواميلهم
ويجربو كل ألاعيبهم وتحاييلهم
حتى ساعات يغلطوا ويجربوا فِيَّا
بس الأكيد أنهم بيحاولوا في مشاكلي
وإنها دايماً اهون من مشاكلهم

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بَلَكُونِتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط، بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

قالولي بتحب مصر فقلت مش عارف
لا جيتها سايح ولا ني أعمى مش شايف

ريحة البخور في الغورية وألف حبل غسيل
وأيقونات تبكي لما تسمع التراتيل
كإن فيه حد يسقي كل لون فيها
تطرح سماحة على مر السنين وجمال
بيت السحيمي صدى للشاعر للقوال
خناقة فيها الزناتي يواجه ابن هلال
وان حلوة مرت وبانو شعرتين م الشال
الجوز يكونوا حجج للوصف في عنيها

ريحة البخور في الغورية ومية في الشارع
محل بيبع عصير بانيه المؤيد شيخ
صاحب محل وصبيه يهرو بعض صريخ
وفرقة بتقول موشح يا سقاة الراح
مدنة عليها المؤدن بالعنا طالع
لكن أدانه يعدي من السما مرتاح

ويقول ايضا

وباب زويلة بيحوى من الكلاب أصناف
وباب زويلة عليه يتعلقوا الأشراف
وناس عبيد ناس وناس لؤلؤ بلا أصداف
بيوت قصايد وخانقاها بيوت الخلق
يا مصر ابنك في بطنك بس خانقاة خنق
وكل شاعر يطبطب له ويقول قرب
وراح صلاح وفؤاد والتونسي متغرب
لحد ما الحمل أصبح شغلة البطال
وكل شاعر عويل تلقيه في حملك قال
يا مصر بطنك بتكذب والا حملك حق
أحنا تعبنا ومافيش أشعار عشان نكتب
إبنك يا يجي يا تبقى الدنيا عايزة الحرق

قالولي بتحب مصر فقلت مش عارف

قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور

عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وستها شعرها أصفر وكله بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نَبُّوت
تحكم وقطر الندى تسمع لها وتئن
أصل البعيدة وَلِيِّة أمرها، عجبي
على الهوا بحجة الكسوة يقيموا له سور

أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازاي متى سألوكي "هل قَبِلتِ بِهِ"
سِكِتِّ ومشيتِ يا مولاتي في الزفة
لبنان وغزة وعراق فيها العدو تشفَّى
حطوا جثثنا يا حاجة تحت سجادك
ووقفت تستنى خيط الدم يبقى بحور

قالولي بتحب مصر فقلت مش عارف
لا جيتها سايح ولاني أعمي مش شايف

روح صييف

لو كنت حران وزهأان وحاسس انك ترس فى اله كل يوم مثل الاخر
ومش عارف تخرج من دائرة الملل
انصحك تأخذ اجازه من عملك ومدينتك وبيتك وتسافر الى المصيف
فى المصيف.....!
بحر وشاطىء وسهر جميل وهدوء عبقرى وتغيير وجوه الزملاء المملين الاغبياء . والجيران المزعجين . والاقارب بالاسم فقط .والزحمه ---------الخ

كل هذا اتركه ورائك وسافر الى المصيف
اما اذا رفضت فكرة السفر واستسلمت للحر والرطوبه والروتين
استحمل وادخل على اللينك واتعذب
http://www.dostor.org/?q=node/7410

الموت هو الحقيقه التى ندركها جميعا .

الاسبوع الماضى شهد رحيل الدكتور / عبد الوهاب المسيرى

ذلك المفكر والاديب . استاذ الادب الانجليزى . صاحب موسوعه علميه عن الحركه الصهيونيه .

عندما شاهدت الدكتور عبد الوهاب المسيرى كان متواضعا يسمع بهدوء ويتحدث بهدوء ويعرض ببساطه افكاره العميقه

كان من المثقفين الذين تستمتع بالحديث معهم.